Tuttosport nashri xabariga ko‘ra, «Yuventus» «Pari Sen-Jermen» hujumchisi Randal Kolo Muanining transferini shu hafta oxirigacha yakunlashiga tobora ko‘proq ishonch bildirmoqda. Muzokaralar yakuniy bosqichga kirdi.

Manbada qayd etilishicha, «Yuventus» va «PSJ» fransuz hujumchisining keyinchalik 40 million yevrodan ortiq summaga sotib olish majburiyati sharti bilan ijaraga o‘tishi bo‘yicha kelishuvni rasmiylashtirish ustida ishlamoqda.

Kolo-Muani «byankonerilar»ning hujum chizig‘idagi asosiy nishoni bo‘lib qolmoqda. Bosh murabbiy Luchano Spalletti 27 yoshli futbolchining xalqaro turne oldidan jamoa ixtiyoriga kelib qo‘shilishini juda xohlayapti.

Turinliklar hujum chizig‘ini kuchaytirish uchun muqobil variant sifatida «Parma» hujumchisi Mateo Pellegrino nomzodini ham short-listda ushlab turishibdi.

Shunday bo‘lsa-da, «Yuventus» bu yozda yangi hujumchi bilan shartnoma imzolashni ustuvor vazifa deb biladi. O‘tgan mavsumning ikkinchi yarmini Turinda ijarada o‘tkazgan Kolo Muani esa ular uchun eng maqbul variant hisoblanadi.

Manba: Stadion.uz