«Manchester Siti» klubi rasmiy sayti orqali «Nottingem Forest» yarim himoyachisi Elliot Andersonning transferi bo‘yicha kelishuvga erishilganini tasdiqladi.

23 yoshli futbolchi ayni paytda Angliya terma jamoasi bilan Jahon chempionati–2026da ishtirok etmoqda. U Kanzas shahrida tibbiy ko‘rikdan muvaffaqiyatli o‘tgan. Transfer rasman Angliyaga qaytganidan keyin yakuniy rasmiylashtiriladi.

Klub bayonotida shunday deyilgan:

«Manchester Siti»dagi barcha Elliot va Angliya terma jamoasiga Jahon chempionatida omad tilaydi hamda uni Manchesterda qarshi olishni intiqlik bilan kutmoqda».

Anderson «Nyukasl» akademiyasi tarbiyalanuvchisi hisoblanadi. U 2024 yilda 15 million funt sterling evaziga «Nottingem Forest» safiga qo‘shilgan edi.

O‘tgan mavsumda yarim himoyachi Angliya Premyer-ligasida 38 ta uchrashuvda maydonga tushib, 4 ta gol urdi va 4 ta golli uzatmani amalga oshirdi.

Insayderlar ma’lumotiga ko‘ra, transfer summasi 135 million yevroni tashkil etgan.

Manba: Stadion.uz