«PSJ»da o‘ynagan taniqli fransiyalik himoyachi Presnel Kimpembe faoliyatini Qatarda davom ettiradi. Bu haqda L'Équipe jurnalistlari xabar bermoqda.

Manba ma’lumotlariga ko‘ra, 30 yoshli futbolchining yangi ish joyi ikkinchi divizionda ishtirok etuvchi «Al-Harityat» klubi bo‘ladi. Hozirda Kimpembe erkin agent maqomida. Fransiyalik o‘yinchining so‘nggi klubi «Qatar» FK bo‘lgan edi. U ushbu jamoa safida ichki musobaqalarda 11 ta o‘yin o‘tkazgan.

Kimpembe — «PSJ» akademiyasi tarbiyalanuvchisi. U Parij grandi safida 2013 yildan 2025 yilgacha to‘p surgan. Fransiya terma jamoasi tarkibida 2018 yilgi Jahon chempionati va 2021 yilgi Millatlar ligasi g‘olibi bo‘lgan.

Manba: Stadion.uz