22 yoshli markaziy yarim himoyachi Andrey Santos «Manchester Yunayted»ga o‘tishga yaqin turibdi. Insayder Fabrisio Romanoning ma’lumotiga ko‘ra, «Chelsi» xavbeki «qizil iblislar» safida tibbiy ko‘rikdan o‘tgan.

U 2031-yil yoziga qadar mo‘ljallangan mehnat shartnomasini imzolaydi. Transfer summasi 58,5 million yevroga baholanmoqda.

Andrey Santos Londonning «Chelsi» klubida 2025-yil yozidan buyon to‘p suradi. «Ko‘klar» safida braziliyalik futbolchi barcha musobaqalarda 47 ta o‘yin o‘tkazib, uchta gol urgan va beshta assistni amalga oshirgan.

Angliya premyer-ligasining yangi mavsumi 21-avgust kuni boshlanadi. «Manchester Yunayted» birinchi turda elita divizioni debyutanti – «Xall Siti»ga qarshi o‘ynaydi.

Manba: Stadion.uz