Madridning «Atletiko» klubi hujumchisi Xulian Alvaresning agenti Fernando Idalgo «matraschilar» rahbariyatining bayonotlariga bilvosita keskin munosabat bildirdi.

Ilgariroq «Atletiko» bosh direktori Migel Anxel Xil quyidagicha bayonot bergan edi:

«Biz shuni tushunishimiz kerakki, so‘nggi oylarda Xulianga o‘zining professional faoliyati bo‘yicha eng yaxshi maslahatlar berilmadi».

Ushbu gaplarga javoban futbolchining vakili Fernando Idalgo o‘zining Instagram sahifasida shunday yozib qoldirdi:

«Hech qachon yolg‘onchidan nega yolg‘on gapirganini so‘rama. Chunki buni tushuntirib berish uchun u yana yolg‘on gapirishga majbur bo‘ladi».

Manba: Stadion.uz