Goal.com nashri xabariga ko'ra, "Yuventus" "Sassuolo" yarim himoyachisi Manuel Lokatelli transferi ustida ishlamoqda. "Keksa sinora" 23 yoshli italiyalik futbolchini 20 million evroga sotib olish majburiyati bilan 5 million evroga 2 yilga ijaraga olmoqchi edi, biroq tomonlar transfer borasida kelisha olishmadi.

Ma'lum bo'lishicha, hozir "Sassuolo" italiyalikni kamida 30 million evro sotib olish majburiyati bilan 5 million evroga bir yilga ijaraga berishga tayyor.

Hozirda ushbu shartnoma bo'yicha muzokaralar hamon davom etmoqda.

Eslatib o'tamiz, o'tgan mavsum Lokatelli A Seriyada 34 o'yin o'tkazib, 4 gol urdi va 2 golga uzatma berdi.