Cadena Ser nashri xabariga ko'ra, Madridning "Real" klubi 22 yoshli frantsuz futbolchisi Kilian Mbappening transferi uchun 120 million evro taklif qilmoqchi.

Ma'lum bo'lishicha, parijliklar futbolchini qo'yib yubormoqchi emas va u bilan shartnomani uzaytirish niyatida, biroq Mbappe klub bilan yangi shartnoma imzolashga shoshmayapti. Agar Kilian "PSJ" bilan shartnomani uzaytirmasa, bir yildan so'ng "Real" uni tekinga qo'lga kiritishi mumkin.

O'tgan mavsumda Liga 1 musobaqasida Mbappe 31 ta o'yin o'tkazib, 27 ta gol va 7 ta golli uzatmani amalga oshirgan.