"Kardiff" hujumchisi Gabriel Byankeri "Manchester Yunayted" safiga qo'shildi. 16 yoshli futbolchi o'zining ijtimoiy tarmog'ida "qizil iblislar" libosidagi suratini joylashtirdi.

Iqtidorli futbolchi “Manchester Yunayted”ning yoshlar jamoasida o'ynaydi. U bilan to'rt yillik shartnoma tuzildi.

Gabriel Byankeri joriy mavsumda "Kardiff" yoshlar jamoasida o'ynadi va 12 ta gol urdi.

"Manchester Yunayted" o'tgan hafta oxirida Angliya Liga kubogi finalida "Nyukasl"ni 2:0 hisobida mag'lub etib, kubokni qo'lga kiritdi. "Manchester Yunayted" APL turnir jadvalida uchinchi o'rinda bormoqda.