Himoyachi Jonni Evans “Manchester Yunayted” bilan qisqa muddatli shartnoma imzoladi, deb xabar bermoqda "mankunianliklar" klubi matbuot xizmati.

Kelishuv 35 yoshli shimoliy irlandiyalik futbolchiga "Manchester Yunayted"ning Edinburg va San-Diegoda bo'ladigan mavsumoldi o'yinlarida ishtirok etish imkonini beradi.

Evans "Manchester Yunayted" tarbiyalanuvchisi bo'lib, u 2006 yildan 2015 yilgacha jamoada vaqti-vaqti bilan o'ynagan va u bilan uch marta Premer-ligada g'olib chiqqan.
Jonni o'tgan mavsumni o'zi sardor bo'lgan "Lester"da o'tkazdi. 30 iyun kuni uning “tulkilar” bilan shartnomasi yakuniga etdi.