Huquqlari "Byornli"ga tegishli bo'lgan niderlandiyalik markaziy hujumchi Vout Vegxorst faoliyatini Germaniya chempionatida davom ettiradi. Hujumchining yangi klubi "Xoffenxaym" bo'ldi.

Klub matbuot xizmati xabariga ko'ra, tomonlar 2023/2024 yilgi mavsum oxirigacha ijara shartnomasini tuzgan.

Vegxorst o'tgan mavsumda "Manchester Yunayted"da ijara asosida o'ynagan. 31 yoshli hujumchi APLda 17 ta o'yin o'tkazib, 1 ta gol urgan.

“Xoffenxaym” Bundesliganing yangi mavsumini “Frayburg”ga qarshi uy uchrashuvi bilan boshlaydi. Uchrashuv 19 avgust, shanba kuni bo'lib o'tadi.