«PSJ» 29 yoshli darvozabon Aleksandr Letele bilan shartnoma imzoladi. Bu haqda klub matbuot xizmati xabar tarqatdi.

Frantsiyalik posbon bilan bir yillik shartnoma imzolandi. Futbolchi o'tgan mavsumda Liga-2 vakili «Orlean» safida o'tkazib, 6ta o'yinda 7ta to'p o'tkazdi.

Letele «PSJ» tarbiyalanuvchisi hisoblanadi. U klub tizimida 2000-2010 yillarda tarbiyalangan.

«Men uchun «PSJ»ga qaytish ulkan faxr. Men Keylor Navas va Serxio Riko kabi ajoyib posbonlar bilan birga shug'ullanishni intizorlik bilan kutyapman», — dedi Letele.