Argentinalik hujumchi Lionel Messi Kataloniyaning “Barselona” klubiga qaytishni istamoqda.

Catalunya Radio xabariga ko'ra, futbolchining agenti va otasi Xorxe Messi tez orada "ko'k-anorranglilar" rahbariyati bilan muzokaralar olib boradi.

Manbaning ta'kidlashicha, Lionelning o'zi bu borada jamoa bosh murabbiyi Xavi Ernandes bilan shaxsan muloqot qiladi. Klubdagi barcha Messining tanlovini qo'llab-quvvatlamoqda va uning “Kamp Nou”ga qaytishini kutishmoqda.

Leo hozir Frantsiyaning "PSJ" jamoasida o'ynamoqda. Uning parijliklar bilan shartnomasi shu mavsum oxirigacha mo'ljallangan.

Messi "Barselona" tarbiyalanuvchisi. U 2005 yildan 2021 yilgacha Kataloniya jamoasi sharafini himoya qilgan.