Milanning "Inter" klubi o'z hujumchisi Xoakin Korreani munosib pul evaziga qo'yib yuborishga tayyor. Fc Inter News nashri xabariga ko'ra, argentinalik futbolchi "Juzeppe Meatsa"dagi o'rnidan xursand bo'lsa-da, "neradzurrilar" uni asosiy tarkib futbolchisi sifatida ko'rmayapti.

Manbaga ko'ra, "Inter" futbolchini taxminan 20 million evro evaziga qo'yib yuborishga tayyor. Argentinalik futbolchiga Angliya Premer-ligasi klublari tomonidan qiziqishlar bor.

Eslatib o'tamiz, Korrea 2021 yilning yozida "Inter"ga bosh murabbiy Simone Indzagi ortidan Rimning "Latsio" klubidan ko'chib o'tgandi. Joriy mavsumda argentinalik futbolchi A Seriyada 3 ta gol va bitta golli uzatmaga ega bo'ldi.