Gvardiola: «Aguero borasida sirni ochsam ham bo'ladi»
«Manchester Siti» bosh murabbiyi Xosep Gvardiola jamoa hujumchisi Serxio Aguero «Barselona»ga o'tishga yaqin turganini aytib o'tdi.
Eslatib o'tamiz, argentinalik futbolchining "shaharliklar" bilan shartnomasi joriy mavsum so'ngida yakuniga etadi va u klubni rasman tark etadi.
«Hozir sirni ochsam ham bo'ladi. Serxio qalbimga yaqin klub «Barselona»ga o'tishga yaqin turibdi. U jahonning eng yaxshi futbolchisi — Messi bilan birga o'ynaydi. Bu unga yoqishiga ishonchim komil. Aguero bilan «Barselona» yanada kuchliroq bo'ladi», — dedi Gvardiola.