«Monako» yarim himoyachisi Sesk Fabregas yozda Qatar chempionatiga yo'l olishi mumkin.

"France Football" tarqatgan xabarga ko'ra, «Al-G'arafa» klubi 33 yoshli futbolchini o'z safiga chorlamoqda. «Monako» rahbariyati Seskning o'yinidan qoniqish hosil qilmayotgani va yuqori maoshi tufayli futbolchini Qatar klubiga sotishi mumkin.

Fabregas 2019 yilning yanvar oyida 9 million evro evaziga «Chelsi»dan «Monako»ga o'tgan edi. Hozirda uning transferi 6,5 million evroga baholanmoqda.

2019/2020 yilgi mavsumda u «Monako» safida barcha musobaqalar doirasida 22ta uchrashuvda maydonga tushib, 3ta golga uzatma berdi.