Kataloniyaning “Barselona” klubi Londonning “Tottenxem” klubiga o'z himoyachisi Kleman Lengleni sotishi mumkin. Bu mavsumda frantsiyalik himoyachi londonliklar safida ijara asosida o'ynamoqda.

Football Espana nashri xabariga ko'ra, "ko'k-anorranglilar" agar "shporlar" uning transferi uchun 10-15 million evro to'lashsa, Lengleni qo'yib yuborishga tayyor.

Kleman 2018 yilda "Barselona"ga o'tgan edi. Uning kataloniyaliklar bilan amaldagi shartnomasi 2026 yilning o'rtalariga qadar tuzilgan.

Himoyachi joriy mavsumda “Tottenxem” safida 7 ta o'yinda maydonga tushdi.