«Atletiko» yarim himoyachisi Toma Lemar Frantsiya terma jamoasiga qaytib, Qatardagi jahon chempionatiga borishni istashini aytdi.

«Men uchun bu juda katta maqsad. Har doim o'z oldimga shunday maqsad qo'yganman - jahon chempionatiga terma jamoa ro'yxatidan joy olish. Lekin barcha futbolchilar muhim, shuning uchun men o'z o'yinimni ko'rsatishim, murabbiyga o'z darajamni ko'rsatishim kerak», - dedi Lemar.

Lemar oxirgi marta terma jamoa safida o'tgan yilning sentyabrida Bosniyaga qarshi o'yinda maydonga tushgan edi.