Bernardu Silva "Barselona"ga o'tishdan umidini uzmagan

Mundo Deportivo xabariga ko'ra, "Manchester Siti" yarim himoyachisi Bernardu Silva hamon "Barselona"ga o'tishga umid qilmoqda.

Manbaga ko'ra, 27 yoshli portugaliyalik futbolchining atrofidagilar Kataloniya klubi bilan o'tkazilgan muzokaralardagi ozgina muvaffaqiyatdan norozi va qanday qilib transferni amalga oshirish bo'yicha variantlarni ko'rishmoqda.

Qayd etilishicha, “ko'k-anorranglilar” hali rasmiy taklif bilan chiqqani yo'q, shu sababli yarim himoyachining sabri to'ldi. Biroq, hali butunlay umidini uzmagadi.

Shu bilan birga, ingliz klubi Bernarduni o'zining bozor qiymatidagi summaga - kamida 80 million evroga sotishga tayyor.

O'tgan mavsumda Bernardu "shaharliklar" safida barcha musobaqalarda 50 ta o'yinda 13 ta gol urdi va 7 ta golli uzatmani amalga oshirdi. Yarim himoyachining klub bilan shartnomasi 2025 yilning 30 iyuniga qadar mo'ljallangan.