"Yuventus" Morata uchun kurashda taslim bo'lmoqchi emas

Turinning "Yuventus" klubi hujumchi Alvaro Morata uchun kurashda taslim bo'lmoqchi emas. Jurnalist Nikolo Skiraning xabar berishicha, “keksa sinlra” ispaniyalik futbolchining transferi uchun “Atletiko” bilan navbatdagi uchrashuvni belgilagan.

Eslatib o'tamiz, Morata so'nggi ikki mavsumni "Yuventus"da ijara asosida o'tkazgan, biroq ijara shartnoma muddati tugashi bilan klub ispaniyalikni sotib olishdan bosh tortgan edi. "Yuventus" taklif qilayotgan pul "Atletiko"ni qoniqtirmayapti, lekin turinliklar "matraschilar"ni chegirma qilishlariga umid qilmoqda.

Morataning o'zi "Yuventus"ga qaytishga qarshi emas. Futbolchining qaytishiga Italiya klubi bosh murabbiyi Massimiliano Allegri qiziqmoqda.