"Inter" Dyumfrisning o'rniga "Torino" himoyachisini olib kelmoqchi

"Torino"ning o'ng qanot himoyachisi Uilfrid Singo yozda klubini o'zgartirishi mumkin. Jurnalist Alfredo Pedulla xabariga ko'ra, ivuarlik futbolchi Milanning "Inter" klubiga o'tishi mumkin.

Qayd etilishicha, Singo “neradzurrilar” safida rahbariyat 35-40 million evro evaziga qo'yib yuborishga tayyor bo'lgan Denzel Dyumfrisning o'rnini egallashi mumkin.

Ilgari Singo Londonning “Tottenxem” klubiga o'tishi mumkin edi, biroq “Torino” “shporlar”ning 22 million evrolik taklifini rad etdi.