Kavani Evropada qolmaydigan bo'ldi

Evropaning bir qator top-klublarining sobiq hujumchisi Edinson Kavani Argentina chempionatiga o'tishga yaqin turibdi.

Insayder Jonatan Pinaskoning tarqatgan ma'lumotiga ko'ra, "Boka Xuniors" 35 yoshli hujumchi bilan shartnoma imzolamoqchi. Tomonlar muzokaralar olib bordi va transfer bo'yicha kelishib oldi. Kelishuv yaqin kunlarda rasman e'lon qilinadi.

Tajribali to'purar 1 iyul kuni "Manchester Yunayted" bilan shartnomasi tugagach, erkin agentga aylandi. Avvalroq OAVda Edinsonning Dortmundning "Borussiya" yoki "Vilyarreal" klublariga o'tishi haqida xabarlar tarqalgan edi.

O'tgan mavsumda Kavani 20 ta o'yin o'tkazib, ikkita gol urgan.