"Chelsi" 16 yoshli futbolchi uchun "Barselona" va "Real" bilan kurash olib boradi

Braziliyaning "Palmeyras" klubini iqtidorli hujumchisi Endrik Felipe "Chelsi" klubini qiziqishlari doirasida tushib qoldi. AS nashrining yozishicha, Londonning "Chelsi" klubi 16 yoshli futbolchining transferini ko'rib chiqmoqchi.

“Ko'klar” allaqachon futbolchining atrofidagilar bilan muzokaralarga kirishgan va unga hamkorlik taklifi bilan chiqishgan. Felipening transferiga londonliklardan tashqari Ispaniyaning “Barselona” va “Real” ham qiziqish bildirmoqda.

Agar "Chelsi" braziliyalik uchun kurashda g'alaba qozonsa, uni ijaraga berishadi. Qoidalarga ko'ra, ingliz klublariga 18 yoshgacha bo'lgan futbolchilardan foydalanish taqiqlanadi.