"Chelsi" "Inter" futbolchisi uchun 25 million evroli taklif tayyorlamoqda

Londonning "Chelsi" klubi tez orada iqtidorli yarim himoyachi Chezare Kasadeining transferi bo'yicha yana bir taklif bilan "Inter"ga so'rov yuboradi. Bu haqda ijtimoiy tarmoqlarda jurnalist Marko Barzagi xabar berdi.

Mish-mishlarga ko'ra, "Chelsi" kelasi mavsum oxirida Kante va Jorjinolarning ketishiga tayyorgarlik ko'rmoqda. Har ikki futbolchining London klubi bilan shartnomasi tugashiga bir yil qoldi.

Kecha "Chelsi" Angliyaning eng iqtidorli yarim himoyachilaridan biri hisoblangan "Aston Villa" futbolchisi Karni Chukvuemekani sotib oldi. Bunga parallel ravishda klub “Barselona”dan yarim himoyachi Frenki de Yongni ham sotib olmoqchi.