"Manchester Yunayted" shov-shuvli transferni amalga oshirishga yaqin turibdi

"Manchester Yunayted" "Barselona" yarim himoyachisi Frenki de Yongga uchun kurashda asosiy da'vogarga aylandi. Sport.es nashri xabariga ko'ra, niderlandiyalik futbolchi tez orada "qizil iblislar" a'zosi sifatida tanishtiriladi.

"Mankunianliklar" bosh murabbiyi Erik ten Xag tomonlar o'rtasidagi muzokaralarda asosiy omil bo'ldi. Mutaxassis Frenki bilan shaxsiy suhbatlashib, uni "Yunayted" taklifini qabul qilishga ko'ndirgan. De Yong avvalroq "Old Trafford"ga o'tishni rad etgandi.

Yaqin vaqt ichida klublar muzokaralar olib borishadi va 25 yoshli futbolchining transferi bo'yicha yakuniy tafsilotlarni kelishib olishadi. Yarim himoyachining transfer narxi 60 million evroga baholanmoqda.