"Arsenal" futbolchisi A Seriyaga ko'chib o'tishga yaqin turibdi

"Arsenal" himoyachisi Pablo Mari "Montsa" jamoasiga o'tishga juda yaqin turibdi. Jurnalist Nikolo Skiraning so'zlariga ko'ra, A Seriyaning yangi ishtirokchisi va “kanonirlar” o'rtasidagi kelishuv yakuniy bosqichda.

Mari o'tgan mavsumni "Udineze"da ijara asosida o'tkazgandi. Ispaniyalik futbolchi klubda doimiy qolmoqchi edi, ammo jamoa himoyachini to'liq sotib olish uchun "Udineze"da mablag' topa olmadi.

Mari ikki yarim yil avval bosh murabbiy Mikel Artetaning tashabbusi bilan Braziliyaning "Flamengo" jamoasidan "Arsenal"ga o'tgan edi. "Kanonirlar" bosh murabbiyi himoyachini Xosep Gvardiolaning "Manchester Siti"da yordamchisi bo'lgan davridan beri biladi.