Gasperini Miranchukni "Torino"ga o'tishini taqiqlab qo'ydi

"Atalanta"ning rossiyalik yarim himoyachisi Aleksey Miranchuk "Torino"ga o'tmaydi.

Bergamo klubi bosh menejeri Luka Perkassining aytishicha, bu transfer bosh murabbiy Jan Pero Gasperini qarori bilan taqiqlab qo'yilgan.

“Biz “Torino” bilan muzokaralar olib bordik. Ammo uzoq suhbat davomida murabbiy Miranchukni olib qolishimizni iltimos qildi.

Hozirda muzokaralar to'xtatilgan. Gasperini bizdan futbolchini olib qolishimizni so'radi”, - deydi Perkassi.