Bernardu Silva uchun "Barselona"ga raqobatchi paydo bo'ldi

"Barselona" "Manchester Siti" yarim himoyachisi Bernardu Silvaga qiziqish bildirayotgani haqida xabar tarqalgandi. Jurnalist Adrien Grenening yozishicha, portugaliyalik futbolchi uchun kurashga endi Frantsiyaning "PSJ" klubi ham qo'shildi.

Parij klubi futbolchi uchun taxminan 80-85 million evro to'lashga tayyor. Avvalroq, "Manchester Siti" portugaliyalik futbolchi uchun 100 million talab qilishi haqida xabar berilgandi.

Silva "Barselona"ga o'tishga qarshi emasligini aytdi, ammo u "Manchester Siti"da yana bir mavsum qolishi mumkinligini ham yashirmadi. Hozircha futbolchining o'zi "PSJ"ga o'tishga qiziqyaptimi yoki yo'qligi ma'lum emas.