Dyumfris APL klubiga o'tish uchun "Inter"ni tark etishga tayyor

"Inter"da to'p surayotgan niderlandiyalik himoyachi Denzel Dyumfris Angliya Premer-Ligasiga o'tishni istamoqda. Bu haqda La Repubblica nashri xabar bermoqda.

Himoyachi Londonning "Chelsi" jamoasiga o'tmoqchi. O'z navbatida uning xizmatlariga “ko'klar” ham qiziqish bildirmoqda va yaqin kunlarda “neradzurrilar” bilan muzokara olib borishadi.

26 yoshli futbolchi 25 million evroga baholangan va uning Italiya klubi bilan amaldagi shartnomasi 2025 yilda yakuniga etadi.

Himoyachi o'tgan mavsum A Seriyada 33 ta o'yinda maydonga tushib, 5 ta gol urdi va 4 ta golli uzatmaga mualliflik qilgan.