"Lester" "Nyukasl"ning ikkinchi taklifiga ham rad javob berdi

"Lester" "Nyukasl"ning yarim himoyachi Jeyms Meddison borasidagi ikkinchi taklifini rad etdi, deb xabar bermoqda 90min.com sayti.

Avvalroq, "Nyukasl" 25 yoshli ingliz futbolchisi uchun "tulkilar"ga 50 million funt taklif qilgani ma'lum bo'lgandi.

Yarim himoyachining "Lester" bilan amaldagi shartnomasi 2024 yilgacha mo'ljallangan. Transfermarkt portali futbolchining narxini 50 million evroga baholamoqda.

Meddison “Lester”da 2018 yilning iyulidan buyon to'p suradi. Yarim himoyachi o'tgan mavsumda "Lester" safida 53 ta o'yinda maydonga tushib, 18 ta gol urdi va 12 ta golli uzatmani amalga oshirdi.