"Lids" "Nyukasl" tomonidan kelib tushgan taklifni rad etdi

Jurnalist Santi Aunaning xabar berishicha, "Lids" "Nyukasl"ning 25 yoshli vinger Jek Xarrison borasidagi taklifini rad etdi.

Manbaga ko'ra, "Nyukasl" futbolchi uchun 40 million evro taklif qilgan, ammo "Lids" Xarrison uchun kamida 47 million talab qilmoqda.

Oldinroq "Nyukasl" "Lester" yarim himoyachisi Jeyms Meddisonga qiziqish bildirayotgani haqida xabar berilgandi.

Xarrison o'tgan mavsumda "Lids" safida 38 ta o'yinda maydonga tushib, 10 ta gol urdi va 2 ta golli uzatmani amalga oshirdi.

Transfermarkt portali angliyalik futbolchini 18 million evroga baholamoqda.