"Inter" "Chelsi"ning birinchi taklifini rad etdi

"Inter" "Chelsi"ning o'ng qanot himoyachisi Denzel Dyumfris bo'yicha birinchi taklifini rad etdi. Bu haqda Italiyaning Calciomercato nashri xabar bermoqda.

Qayd etilishicha, “neradzurrilar” o'z futbolchisi uchun taxminan 35-40 million evro talab qilmoqda. Dyumfris - "Chelsi"ning asosiy transfer maqsadlaridan biri. Niderlandiyalik futbolchini sotib olish tashabbusi bosh murabbiy Tomas Tuxeldan chiqqan.

Dyumfris bilan parallel ravishda "ko'klar" hali "PSJ" bilan shartnoma imzolay olmagan Milan Shkrinyar uchun kurashga qo'shilishlari mumkin. Slovakiyalik futbolchi 70 million evroga baholanmoqda.

Dyumfris o'tgan yozda "PSV" klubidan "Inter"ga o'tgan edi. Bir yil davomida futbolchi klub bilan Italiya kubogini yutgan.