"Manchester Siti" "Borussiya"ning yana bir futbolchisini o'z safiga qo'yib olmoqchi

"Manchester Siti" Dortmundning "Borussiya" klubi himoyachisi Rafael Gerreyroni sotib olmoqchi. Bu haqda jurnalist Pol Balus ijtimoiy tarmoqlarda xabar berdi.

Qayd etilishicha, "Manchester Siti" skautlari Portugaliya terma jamoasi futbolchisini anchadan beri kuzatib borishgan. Mark Kukurellya transferi bo'yicha "Brayton" bilan muzokaralarda muvaffaqiyatsizlikka uchraganidan so'ng, Gerreyro "shaharliklar" uchun muqobil variantlardan biriga aylandi.

Dortmundning "Borussiya" klubi yozda portugaliyalik futbolchi bilan xayrlashmoqchi emas. Avvalroq, dortmundliklar o'z hujumchisi Erling Xolandni "Manchester Siti"ga sotib yuborishgan edi.