"Sevilya" "PSJ" futbolchisini o'z safiga qo'shib olishga umid qilmoqda

Ispaniyaning “Sevilya” klubi “PSJ” markaziy himoyachisi Tilo Kererga qiziqish bildirmoqda. Jurnalist Adrien Grenening fikricha, Andalusiya klubi nemis futbolchisini sotib olishga umid qilmoqda.

Kerer "Sevilya"dan yaqinda "Barselona"ga o'tgan Jyul Kundeni o'rnini egallashga tayyor. Kererning o'zi Xulen Lopetegining jamoasiga o'tishga rozi bo'ldi.

Kerer shu yozda "PSJ"ni tark etishi kerak bo'lgan futbolchilar ro'yxatiga kiritilgan. Avvalroq germaniyalik futbolchini Londonning “Chelsi” jamoasiga 15 million evro evaziga taklif qilishgandi, biroq “ko'klar” bosh murabbiyi Tomas Tuxel sobiq shogirdini transfer qilishdan bosh tortgandi.