"MYu" "Barselona"ning de Yong oldidagi qarzini to'lashga ham tayyor

"Manchester Yunayted" yana bir bor "Barselona" yarim himoyachisi Frenki de Yongni Angliyaga ko'chib o'tishga ko'ndirmoqchi, deb xabar beradi Diario Sport.

Eslatib o'tamiz, Kataloniya klubi niderlandiyalik futbolchini shu yozda sotmoqchi yoki uni maoshini sezilarli darajada kamaytirishga rozi bo'lishga ko'ndirish niyatida. O'z navbatida futbolchining o'zi ham "Barselona"da qolishni istamoqda.

Manbaning xabariga ko'ra, "mankunianliklar" rahbariyati nafaqat de Yongga ispan klubida olayotgan maoshini to'lashga, balki "Barselona"ning futbolchi oldidagi 17 million evro qarzini to'liq qoplashga ham tayyor.

Niderlandiyalik futbolchi bu shartlarga rozi bo'lsa, "qizil iblislar"ning eng ko'p maosh oluvchi futbolchisiga aylanadi. Oldinroq de Yongga "Chelsi" ham qiziqish bildirayotgani xabar qilingandi.

25 yoshli yarim himoyachi o'tgan mavsumda "Barselona" safida 45 ta o'yinda maydonga tushib, 4 ta gol urdi va 5 ta golli uzatmani amalga oshirdi.

Transfermarkt portali Niderlandiya terma jamoasi futbolchisini 60 million evroga baholamoqda.