"Leyptsig" himoyachisi Bundesliganing boshqa jamoasiga o'tishi mumkin

"Leyptsig" himoyachisi Anxelino ushbu transfer oynasida klubini o'zgartirishi mumkin. Jurnalist Florian Plettenbergning yozishicha, ispaniyalik futbolchini sotib olish masalasi yaqinda o'zining chap himoyachisi David Raumni "Leyptsig"ga sotib yuborgan Germaniyaning "Xoffenxaym" jamoasi tomonidan ko'rib chiqilmoqda.

Anxelinoning o'zi Raumning transferidan hayratda qolgan, shuning uchun endi u Domeniko Tedesko jamoasidagi kelajagiga shubha qilmoqda. "Xoffenxaym" "Leyptsig" bilan potentsial transfer borasida muzokaralarni boshlab yuborgan.

Eslatib o'tamiz, Anxelino o'z vaqtida "Manchester Siti"dan "Leyptsig"ga o'tgandi. Futbolchiga “Barselona” ham qiziqayotgan edi.