"Lester" "Nyukasl"ning 40 million funtli taklifiga rad javob berdi

"Nyukasl" "Lester" va Angliya terma jamoasi yarim himoyachisi Jeyms Meddison uchun 40 million funt taklif qildi.

The Telegraph nashrining xabariga ko'ra, taklif juma kuni "Nyukasl" tomonidan ilgari surilgan. “Lester” kechiktirmasdan javob qaytardi va rad javobini berdi.

Agar "tulkilar" rozi bo'lganida, Meddison braziliyalik hujumchi Joelinton bilan "Nyukasl" tarixidagi eng qimmat transferga aylangan bo'lardi.

2018 yil iyun oyida "Norvich Siti"dan 25 million funt sterling evaziga shartnoma imzolagan Meddison "King Pauer"dagi to'rt mavsumida juda katta muvaffaqiyatlarga erishdi.

Gap shundaki, “Lester” tarkibni kuchaytirish va moliyaviy feyr-pley qoidalarini buzmaslik uchun futbolchilarni sotishi kerak, shu sababli 25 yoshli angliyalik futbolchisini sotishi mumkin.