"Chelsi" darvozaboni Italiyaga yo'l olish uchun maoshi qisqartirilishiga ham rozi

"Chelsi" darvozaboni Kepa Arrisabalaga "Napoli"ga o'tish uchun maoshini kamaytirishga tayyor. Eslatib o'tamiz, "Napoli" klubi darvozabonni keyinchalik sotib olish sharti bilan ijaraga olmoqchi. Bu haqda Italiyaning Calciomercato nashri xabar bermoqda.

Kepa o'tgan mavsumda Eduard Mendiga asosiy tarkibdagi joyini topshirib qo'ydi. Ispaniya terma jamoasi darvozaboni "Chelsi"ga UEFA Superkubogida "Vilyarreal" jamoasiga qarshi o'yinda penaltilar seriyasida g'alaba qozonishiga yordam bergandi.

Kepa hamon futbol tarixidagi eng qimmat darvozabon hisoblanadi. 2018 yilda "Chelsi" uning uchun 80 million evro to'lagan. O'shanda u Bilbaoning "Atletik" jamoasidan Londonga ko'chib o'tgandi.