"Chelsi" qay holatda de Yongni o'z safiga qo'shib olishi ma'lum qilindi

"Chelsi" "Barselona" yarim himoyachisi Frenki de Yongni faqatgina Ngolo Kante kelasi yozda tugaydigan shartnomasini uzaytirishdan bosh tortsagina sotib olishi mumkin. Bu haqda jurnalist Kristian Falk ijtimoiy tarmoqlarda xabar bermoqda.

Shu bilan birga, ta'kidlanishicha, "Bavariya" de Yongning transferidan manfaatdor emas, garchi avvalroq Yulian Nagelsmann jamoasini niderlandiyalik yarim himoyachi bilan kuchaytirishga qarshi emasligi xabar qilingan bo'lsa-da.

De Yongning o'zi "Barselona"da qolmoqchi, ammo klub uni sotishi yoki moliyaviy muammolardan qochish uchun maoshini kamaytirishga ko'ndirishi kerak.