"Zaltsburg" "MYu" qiziqish bildirayotgan futbolchining narxini e'lon qildi

Avstriyaning "Zaltsburg" klubi "Manchester Yunayted" qiziqish bildirayotgan Benjamin Sheshkoning narxini e'lon qildi. Jurnalist Jeyms Dakersning xabar berishicha, Avstriya klubi sloveniyalik futbolchining transferi uchun “qizil iblislar”dan 60 million evro talab qilmoqda.

Shu bilan birga, «Manchester Yunayted» futbolchi uchun ancha kamroq summa taklif qilmoqchi edi, ammo hozirda klub so'ralgan summa tufayli transferning maqsadga muvofiqligiga shubha qilmoqda.

Eslatib o'tamiz, Sheshkoning xizmatiga "Manchester Yunayted" bosh murabbiyi Erik ten Xag shaxsan o'zi qiziqish bildirmoqda. Biroq, klub muqobil variantlarni ko'rib chiqish niyatida. Ushbu transfer oynasida rahbariyat ikki hujumchi bilan shartnoma imzolamoqchi.