"Barselona" qiziqish bildirayotgan futbolchi "Manchester Siti"ga o'tmoqchi

"Manchester Siti" "Benfika" himoyachisi Alexandro Grimaldoni o'z safiga qo'shib olmoqchi, deb xabar beradi Daily Star.

Manba bergan xabarga ko'ra, 26 yoshli ispaniyalik futbolchi faoliyatini Xosep Gvardiola jamoasida davom ettirmoqchi, shu bois u transfer bo'yicha rasmiy so'rov yuborish niyatida. Ehtimoliy transfer summasi 17 million funt (taxminan 20,4 million evro)ga baholanmoqda.

Oldinroq Grimaldoga Ispaniyaning “Barselona” klubi ham qiziqish bildirayotgani xabar qilingandi.

Himoyachi o'tgan mavsumda “Benfika” safida 47 ta o'yinda maydonga tushib, 6 ta gol urdi va 9 ta golli uzatmani amalga oshirdi.

Grimaldoning Portugaliya klubi bilan amaldagi shartnomasi 2023 yilning yoziga qadar tuzilgan. Transfermarkt portali ispaniyalik futbolchini 20 million evroga baholamoqda.