"Barselona" yana bir xaridni amalga oshirmoqchi

"Benfika" himoyachisi Alexandro Grimaldo "Barselona"ga o'tishi mumkin.

Kataloniya klubi Jorda Alba bilan raqobatlasha oladigan chap qanot himoyachisi qidirishda davom etmoqda. “Barselona” avvalroq “Chelsi” bilan Markos Alonsoni qo'lga kiritish bo'yicha muzokaralar olib borayotgandi, biroq “ko'klar” bosh murabbiyi Tomas Tuxel kelishuvga to'sqinlik qildi.

Marca nashrining xabariga ko'ra, transferi 20 million evroga baholangan Grimaldo kataloniyaliklar uchun zaxira variantga aylanishi mumkin. Futbolchiga "Barselona"dan tashqari "Manchester Siti" ham qiziqmoqda.

Futbolchi o'tgan mavsumda Portugaliya chempionatida 29 ta o'yinda maydonga tushib, 5 ta gol urdi va 5 ta golli uzatmani amalga oshirdi.