Ibrohimxalil Yo'ldoshevning sobiq jamoadoshi "Bunyodkor"ga o'tmoqda

Rossiyalik yarim himoyachi Pavel Mogilevets faoliyatini “Bunyodkor” jamoasida davom ettiradi. Rossiyaning "Chempionat" nashri xabariga ko'ra, futbolchi "Bunyodkor" bilan shartnomasini tuzish uchun Toshkentga etib kelgan.

Bungacha 29 yoshli yarim himoyachi “Zenit”, “Rostov”, “Rubin” va “Ximki” klublarida to'p surgan. Futbolchining so'nggi klubi shu yilning yanvar oyida erkin agent sifatida tark etgan "Pari NN" jamoasi bo'ldi. O'shandan beri Mogilevets yangi jamoa qidirmoqda.

O'tgan mavsumda futbolchi barcha turnirlarda 8ta o'yinda qatnashib, gol ura olmadi. Transfermarkt portaliga ko'ra, futbolchining narxi 800 ming evroni tashkil qiladi.