Kunde qachon tibbiy ko'rikdan o'tishi ma'lum bo'ldi

Jyul Kundening "Sevilya"dan "Barselona"ga o'tishining yangi moliyaviy tafsilotlari ma'lum bo'ldi.

Avval xabar qilinganidek, Andalusiya klubi himoyachi uchun 50 million evro olishi kafolatlangan.

L’Équipe xabariga ko'ra, kelishuv besh million evro miqdorida bonusni ham o'z ichiga oladi. Ilgari barcha manbalar bonus to'lovlari 10 millionni tashkil etishini yozgan edi.

23 yoshli futbolchi "Barselona" bilan 2027 yilgacha mo'ljallangan shartnomani imzolaydi. U juma kuni tibbiy ko'rikdan o'tadi.