"Chelsi" o'z futbolchisini Chempionship vakiliga berib yuboradi

"Chelsi" yaqinda "Arsenal"dan tekinga kelib qo'shilgan Omari Xatchinsonni ijaraga bermoqchi.

Jurnalist Grem Beylining ma'lumotiga ko'ra, "Chelsi" 18 yoshli yarim himoyachi o'z faoliyatidagi navbatdagi qadamni tashlashga va debyut mavsumini yuqori saviyada boshlashga tayyor deb hisoblaydi. Qayd etilishicha, futbolchiga Chempionshipda talablar bor.

Eslatib o'tamiz, avvalroq Xatchinson Londonning "Arsenal" klubi bilan shartnomani uzaytirishdan bosh tortgan edi. Futbolchi "kanonirlar" akademiyasining eng istiqbolli vakillaridan biri hisoblangan.

Futbolchi Yamayka milliy terma jamoasida bitta o'yin o'tkazishga muvaffaq bo'lgan.