"Byornli" o'z futbolchisiga narx belgiladi

"Byornli" hujumchi Maksvell Kornega da'vogarlik qilayotgan klublarga futbolchining narxini e'lon qildi.

"Byornli" o'tgan mavsumni juda omadsiz o'tkazdi va Premer-ligadagi o'rnini saqlab qola olmadi hamda Chempionshipga tushib ketdi. Yozda bir qancha asosiy futbolchilar jamoani tark etishdi. Korne mavsumni yangi klubda boshlaydigan yana bir futbolchi bo'lishi mumkin.

Futbolchiga "Nottingem Forest", "Fulxem" va "Everton" klublari qiziqish bildirmoqda. Daily Mail xabariga ko'ra, "Byornli" o'z futbolchisining transferidan 20 million evro ishlab olishni rejalashtirgan.

Futbolchi o'tgan mavsumda APLda 26 ta o'yinda maydonga tushib, 9 ta gol urdi va 1 ta golli uzatmani amalga oshirdi.