"Yuventus" "Barselona" futbolchisini Pogbani o'rniga olib kelmoqchi

"Barselona" yarim himoyachisi Miralem Pyanich "Yuventus"ga qaytishi mumkin.

"Yuventus" safiga yangi kelib qo'shilgan Pol Pogba jarohat oldi va Qatarda bo'lib o'tadigan Jahon chempionatini o'tkazib yuborishi mumkin. Shu sababli Turin klubi Pyanichni frantsiyalik futbolchining o'rniga potentsial futbolchi sifatida ko'rmoqda, deb xabar bermoqda Calciomercato.

Nashrning ta'kidlashicha, bosniyalik futbolchi Turin jamoasiga qaytishni xohlaydi. Pyanich avval 2016 yildan 2020 yilgacha “Yuventus”da o'ynagan va Massimiliano Allegri jamoasining asosiy o'yinchilaridan biri bo'lgan.

O'tgan mavsumda "Beshiktosh" safida ijara asosida o'ynagan futbolchi Turkiya chempionatida 20ta o'yin o'tkazib, 2ta golli uzatmani amalga oshirgan.