"Bavariya" o'z futbolchisi bo'yicha qaror qabul qildi

"Bavariya" o'z futbolchisi Marsel Zabittser transfer oynasi yopilgunga qadar boshqa klubga o'tishi mumkin.

Avstriyalik futbolchining mavsumoldi o'yinlaridagi o'yini myunxenliklar rahbariyati va murabbiylar shtabida ijobiy taassurot qoldirdi, ammo klub hali ham futbolchi bilan xayrlashishga tayyor, deb xabar beradi Kicker nashri. Agar futbolchining o'zi ketishga qaror qilsa, "Bavariya" Zabittser bo'yicha kelib tushadigan barcha takliflarni ko'rib chiqishga tayyor. "Leyptsig" klubidan Konrad Laymerning kelishi Zabittserni sotish imkoniyatini oshiradi.

Marsel Zabittser o'tgan yili "Leyptsig"ga o'tganidan beri "Bavariya" tarkibida 30 ta o'yinda maydonga tushdi.