"MYu" nima uchun "Ayaks" hujumchisini sotib olishdan bosh torgani ma'lum qilindi

BTP nashri xabariga ko'ra, "Manchester Yunayted" "Ayaks" hujumchisi Entonining xizmatiga qiziqish bildirmayapti. "Qizil iblislar" rahbariyati niderlandiyaliklar so'ralayotgan yuqori tovon puli tufayli braziliyalik hujumchi bilan shartnoma imzolashga urinmaydilar.

Avvalroq, amsterdamliklar Entonining narxini 80 million evrodan 100 million evroga ko'targani haqida xabar qilingandi. "Mankunianliklar" bu futbolchi uchun bunday katta pul to'lashga tayyor emaslar.

Transfermarkt portali Entonining narxini 35 millionga baholagan. Uning shartnomasi 2025 yilgacha mo'ljallangan.

2021/2022 yilgi mavsumda hujumchi 32 o'yin o'tkazib, 12 gol urgan va 10 golga assistentlik qilgan.