"Bavariya" qaysi hujumchi bilan xayrlashishga oydinlik kiritib oldi

Myunxenning “Bavariya” klubi asosiy tarkibga kiritilmagan hujumchilardan birini sotishni rejalashtirmoqda.

Erik Chupo-Moting ketmoqchi emas va klub uni foydali zaxira futbolchisi deb hisoblab, o'z safida saqlab qolishga tayyor. Shu bilan birga, Kicker nashrining yozishicha, Joshua Zirkze agar imkoniyat tug'ilsa, shu yozda qo'yib yuboriladi. Ayni damda 21 yoshli niderlandiyalik futbolchiga Angliya Premer-ligasi klublari qiziqish bildirishmoqda.

Joshua Zirkze o'tgan mavsumni Belgiyaning “Anderlext” jamoasida o'tkazib, 47 uchrashuvda 18 gol va 13 golga assistentlik qilgan. Transfermarkt portali yosh hujumchining transfer narxini 11 million evroga baholamoqda.