"Fulxem" "Arsenal" darvozaboni bilan kelishuvga erishdi

"Fulxem" "Arsenal" darvozaboni Bernd Leno bilan shartnoma imzolash borasida printsipial kelishuvga erishdi, deb xabar beradi Sky Sports.

Manbaga ko'ra, "Fulxem" 30 yoshli nemis uchun 8 million funt to'laydi. Tomonlar yakunda barcha tafsilotlarni kelishib olishlari bilan futbolchi tibbiy ko'rikdan o'tadi va yangi klubi bilan shartnoma imzolaydi.

Leno "Arsenal"ga 2018 yilning iyulida "Bayer" klubidan kelib qo'shilgandi. O'tgan mavsumda darvozabon "kanonirlar" safida 8ta o'yinda 11ta gol o'tkazib yuborgan. Transfermarkt portali futbolchining narxini 8,1 million funt deb baholamoqda.